കാന്തപുരത്തിന്റെ കേരള യാത്ര
സ്ഥാപന പ്രതിനിധി സമ്മേളനം 24 നു
കോഴിക്കോട്‌ : ‘മാനവികതയെ ഉണര്‍ത്തുന്നു’ എന്ന തല വാചകത്തില്‍ ഏപ്രില്‍ 12-28 നു നടക്കുന്ന കാന്തപുരത്തിന്റെ കേരളയാത്രയുടെ ഭാഗമായി സ്ഥാപന പ്രതിനിധികള്‍ സമ്മേളിക്കുന്നു .
സമൂഹത്തിലെ മുഴുവന്‍ ജന വിഭാഗങ്ങള്‍ക്കും മാനവികതയുടെ സന്ദേശം നല്‍കുന്ന വിദ്യാഭ്യാസ സ്ഥാപനങ്ങള്‍ക്ക് കേരള യാത്രയുടെ ഭാഗമായി കൈമാറാനുള്ള കര്‍മ പദ്ധതികള്‍ സമ്മേളനം ചര്‍ച്ച ചെയ്യും.
സ്ഥാപന മാനേജ്മെന്റ് കളുടെ ഉത്തരവാദ പെട്ട ഭാരവാഹികളുടെ പ്രഥമ സംഗമം കൂടിയാണ് ഈ മാസം 24 നു ശനിയാഴ്ച നടക്കുന്നത് .
മലപ്പുറം വാരിയം കുന്നത്ത്‌ സ്മാരക ടൌണ്‍ ഹാളില്‍ ഉച്ചക്ക് രണ്ടു മണിക്കാരംഭിക്കുന്ന സമ്മേളനത്തില്‍ സംസ്ഥാനത്തെ മുഴുവന്‍ സ്ഥാപന ഭാരവാഹികളും സംബന്ധിക്കണമെന്നു സമസ്ത സെന്ററിലെ എക്സിക്യൂട്ടീവ് കൌണ്‍സില്‍ ഓഫീസില്‍ നിന്നും അറിയിച്ചു .
