കാന്തപുരത്തിന്റെ കേരളയാത്രാ ജില്ലാ പ്രഖ്യാപനം പ്രൗഢമായി
കാസര്‍കോട്: മാനവികതയെ ഉണര്‍ത്തുന്നു എന്ന സന്ദേശത്തില്‍ സമസ്ത സെക്രട്ടറി കാന്തപുരം എ പി അബൂബക്കര്‍ മുസ്‌ലിയാര്‍ നയിക്കുന്ന കേരളയാത്രയുടെ ജില്ലാ പ്രഖ്യാപനം ആയിരങ്ങളുട സാന്നിദ്ധ്യം കൊണ്ട് പ്രൗഢമായി. മാനവികത വിളംബരം ചെയ്ത് പ്രമുഖര്‍ നടത്തിയ പ്രഭാഷണങ്ങള്‍ പ്രവര്‍ത്തകരില്‍ ആവേശം വിതറി. 1500 പ്രതിനിധകള്‍ക്കു പ്രത്യേകം ഇരിപ്പിടം ഒരുക്കിയിരുന്നു. വൈകിട്ട് തളങ്കര മാലിക്ദീനാര്‍ മഖാം സിയാറത്തോടെയാണ് സമ്മേളനം തുടങ്ങിയത്. സ്വാഗതസംഘം ചെയര്‍മാന്‍ സയ്യിദ് ഖമറലി തങ്ങള്‍ പതാക ഉയര്‍ത്തി. സയ്യിദ് ഹസനുല്‍ അഹ്ദല്‍ തങ്ങള്‍, സയ്യിദ് ഇബ്രാഹീം പൂക്കുഞ്ഞി തങ്ങള്‍ പ്രാര്‍ഥനക്ക് നേതൃത്വം നല്‍കി. ബി എസ് അബ്ദുല്ലക്കുഞ്ഞി ഫൈസിയുടെ അധ്യക്ഷതയില്‍ സമസ്ത കേന്ദ്രമുശാവറ വൈസ് പ്രസിഡന്റ് എ കെ അബ്ദുറഹ്മാന്‍ മുസ്‌ലിയാര്‍ ഉദ്ഘാടനം ചെയ്തു. എസ് എസ് എഫ് സംസ്ഥാന പ്രസിഡന്റ് എന്‍ എം സ്വാദിഖ് സഖാഫി പദ്ധതി അവതരണവും ലത്തീഫ് സഅദി പഴശ്ശി മുഖ്യപ്രഭാഷണം നടത്തി. സയ്യിദ് ശിഹാബുദ്#ീന്‍ തങ്ങള്‍, സയ്യിദ് ഇബ്രാഹീം ഹാദി ചൂരി, സയ്യിദ് എന്‍.കെ കുഞ്ഞിക്കോയ, സയ്യിദ് ഇമ്പിച്ചിക്കോയ സഖാഫി, സയ്യിദ് അലവി തങ്ങള്‍ ചെട്ടുംകുഴി, എ.ബി മൊയ്തു സഅദി, പള്ളങ്കോട് അബ്ദുല്‍ ഖാദിര്‍ മദനി, കന്തല്‍ സൂപ്പി മദനി, സുലൈമാന്‍ കരിവെള്ളൂര്‍, അബ്ദുറസാഖ് സഖാഫി കോട്ടക്കുന്ന്, ഹമീദ് മൗലവി ആലംപാടി, കാട്ടിപ്പാറ അബ്ദുല്‍ ഖാദിര്‍ സഖാഫി, കൊല്ലമ്പാടി അബ്ദുല്‍ ഖാദിര്‍ സഅദി, സി കെ അബ്ദുല്‍ ഖാദിര്‍ ദാരിമി, എ കെ ഇസ്സുദ്ദീന്‍ സഖാഫി, അശ്രഫ് അശ്‌റഫി, അബ്ദുല്‍ അസീസ് സൈനി തുടങ്ങിയവര്‍ പ്രസംഗിച്ചു. മൂസ സഖാഫി കളത്തൂര്‍ സ്വാഗതവും ഹസ്ബുല്ലാഹ് തളങ്കര നന്ദിയും പറഞ്ഞു.
